السلام عليكم ورحمة الله تعالى وبركاته
موقع مبدعات يقدم لكم غزيزاتي بسطيلة بالدجاج رائعة وشهية بالتفاصيل المدققة واكيد بالصور
المقادير
كيلو و نص دجاجكيلو و نص بصلة مشلظة صغيرة
7 البيضاتكيلو الا ربع ورقة البسطيلة صغيرة
كاس اتاي زيت العود
كاس اتاي زيت المائدة
ملحة
سكنجبير
بزار
خرقوم بلدي
نص كاس سنيدة
عود قرفة
القزبور مقطع
350 غرام لوز
175 غرام سكر
ماء الزهر
قرفة غبرة
الطريقة
كناخدو الدجاجة ننقيوها و نغسلوها و نديروها فكوكوط
مع كاس اتاي زيت العود و كاس اتاي زيت رومية يقدر
تبان ليكم هاد الكمية الزيت كثيرة و لكن را تنحيدوها من بعد و هذا هوا سر الطبخة
و نديرو ليها الملحة و البزار و الخرقوم و سكنجبير
و زلافة بصلة مشلظة نهزوها من ديك كيلو و نص و نديرو 2
معالق كبار قزبور مقطع و نرويو بالماء و نسدو عليها كوكوط حتى طيب
و ملي تطيب الدجاجة نهزوها من ديك المرقة نفرتتوها و ننقيوها من العضام و الجلود
و نلوحو البصلة مشلظة تطيب فديك المرقة مع 2 معالق كبار قزبور
و نزيدو نص كاس سنيدة و عود قرفة و نخليوها حتا تنشف
شوية و نكبو فيها البيض مضرب
و نبقاو نخلطو حتى يطيب البيض و ينشف الخليط من
الماء مزيان و تبقى فيه غير الزيت
نحيدوه من العافية و نصفيوه بشي صفاية و لا شبكة باش نحيدو
منو الزيت و هاد الزيت هيا باش غندهنو الورقة ديالنا
بالنسبة للوز كنديروه فالما فوق النار ثم نفسخوه
و نحمروه فالفران و نطحنوه شوية و نخلطوه مع سنيدة و شوية ماء الزهر و شوية القرفة
و نبداو التعماربغينا نديروهم صغار بغينا نديروهم كبار
ممكن نستاعنو بمول باش يجيو مقادين
كنفرشو الورقة و نبقاو ندهنو بدك الزيت لي كنا صفينا فاللول
نديرو فرشة ديال البصلة مع البيض و فرشة ديال اللوز و نسدوها
و نقلبوها و نديرو ليها ورقة تانية
و ندهنوهم من الوجه بديك الزيت لي كنا صفينا فاللول
و نطيبوها و نزينوها قبل التقديم بالسكر كلاصي و خطوط من القرفة
Enregistrer un commentaire