سلطة مغربية الطريقة بالصور

 اليكم سيداتي سلطة رائعة مغربية بالروز والخضر 
مشكلة بطريقة فنية

مقادير الروز

روز مسلوق

خضر مقطعة صغيرة و مسلوقة

علبة صغيرة طون

ملح و ابزار

الخضر لي استعملت

بيض مسلوق

خس

باربا مسلوقة

بطاطا مسلوقة

خيزو مسلوق

مطيشة مقطعة مع الخيار

قوق معلب

لوبية حمراء معلبة

خلطت الروز مع الخضر أنا استعملت خضر معلبة و الطون و الملح و ابزار و المايونيز

خذيت مول الكيك غلفتو ببلاستيك وعملت فيه الروز و خليتو حتى وجدت باقي الخضر

قسمت كل بيضة على 2 و زولت لها الأصفر و خلطتو مع المايونيز

وضعت أصفر البيض في جيب حلواني و عمرت به البيض على شكل وردة

و زينتهم من الفوق بنجيمات ديال الكاشير

حضرت كل الخضر تبلتها بملح و ابزار و زيت و خل

قلبت الروز وسط الصحن و عملت في الجوانب أوراق الخس

و ستفت الخضر بالتناوب

زينت فوق الروز بأشكال من الكاشير و البيض لي عمرت و حبات من الزيتون للأسف الصور ما وضحاش مزيان

وهادي عملتها مرة أخرى بنفس الطريقة مع بعض التغيير في التزيين