موقع مبدعات يقدم
الروز بطريفات الدجاج وصلصة الطماطم,الروز بطريفات الدجاج وصلصة الطماطم,الروز بطريفات الدجاج وصلصة الطماطم,
أنيقاتي الغاليات هاد الوصفة على قد ماهي ساهلة وبسيطة
على قد ماهي لذيدة ورائعة شخصيا وليداتي كيطلبوها مني بزاف
نتوكلو على لله
بالنسبة للمقادير فهي عينك ميزانك أو حسب عدد الأشخاص
كنحتاجو الروز
زيت بلدية
2 حبات هيل ( كل مازدنا الروز نديدو الهيل باش يجي مذاقه باين )
2 حبات نويويرة
عود قرفة
شوية إبزار وسكنجبير
ملح
الطريقة :
كنسخن الزيت ونسخن فيه العطرية وغير تطلع ريحتها نضيف عليها الروز ونشحرو 2 دقايق تقريبا ونضيف ضعف قياس الروز من الماء
يعني إدا عملت كاس د الروز نعمل زوج كيسان د الماء وطبعا إدا احتاجيت أكثر نضيف شوية بشوية حسب نوعية الروز
نخلي الروز يتشرب مزيان وينشف وندوز عليه بالفروشيط باش نفرق الحبات
مقادير الدجاج : 300 غ من هبرة الدجاج ممكن أقل أو أكثر حسب المتوفر
5 حبات طماطم مقطعة مكعبات صغيرة
شوية قزبور
3 م ك صلصة طماطم خفيفة
زيت بلدية
ملح + إبزار + كامون + سكنجبير + تحميرة + م ص توابل شوارمة الدجاج
ممكن تعملو شوية د الثوم أنا عندي محظورة فالدار هههههههههه
شوية لوز للتزيين ( إختياري )
الطريقة : نخلط الدجاج مع كل التوابل والزيت ونشحرهم مزيان ونضيف الطماطم والقزبور والصلصة ونخلي الكل يطيب
نخليهم يشربو شوية ونطفي عليهم ونقدمهم
التقديم : زينت بشوية لوز مقلي ومهرمش
هنا عملتها بالكروفيت والكرامال بنفس الطريقة ونفس التوابل
هنا حمرت الشعرية فاالزيت عاد ضفت عليها الروز والدجاج كان مقطع أصغر
Enregistrer un commentaire