لحم مبخر ومحمر
عواشر مباركة جميلات منتدايا الغالي و كنتمنى من كل قلبي تكونو في تمام الصحة و العافية و راحة البال
درت اللحم غنمي مبخر
اولا خديت اللحم غسلتو
ثم درتو فالكسكاس و دردرت عليه الملح و درت طريفات التومة فالجناب و سديت عليه يطيب
وهاهو طاب
ثم درتو فمول
دهنو بديك التومة الي طابت وعاد درت طريفات الزبدة و الكامون و دخلتو يتحمر
و بما اني رافقتو بسلطة بالخضر فمدرتش الخضر معاه اكتفيت غير بالبطاطا السريعة
خديت هادي الي ملونة و فيها مداق رائع
ثم درتها فزيت سخون
ومباشرة تنفخات و بسرعة حيدتها باش متحرقش و درتها تنشف من الزيت
وهاهو اللحم محمر غير انا حمرتو مزيان باش يزول الدهن كله
وهادي السلطة الي درت معروفة و لكن كتجي رائعة و لذيذة
وهادي مائدة الغداء عادية وبسيطة
وفالاخير تقبلو مني كل المحبة وهادو قليبات ختاريتهوم ليكم
و طامعة منكم بدعيوات صادقة الله يبعد علينا ولاد الحرام و الله يعطيهوم فاش يتلهاو من علينا
Enregistrer un commentaire