كيكة مالحة زوينة

اليكم كيكة مالحة رائعة سهلة من موقع مبدعات

السلام عليكم ورحمة الله وبركاته

الصراحة فكرة هاد الكيكة خذيتها من المنتدى ، غير أنا باش تكون صحية أكثر درت عليها بعض التعديلات ، والصراحة جات زوينة

المقادير :

- 3 بيضات

- نص كاس زيت

- شوية ملح

- 2 كيسان حليب خالي الدسم

- 2 خمارات ديال 7 غ

- 2 معالق كبار نخالة

- 6 معالق دقيق عادي

- دقيق الشوفان + دقيق القمح (القدر لي غادي يكفيكم عينكم ميزانكم)

للتزيين : زيتون أسود + مطيشة مقطعة + زعتر مدقوق

الطريقة :

كنطرب البيض مع الزيت وشوية الملح من بعد كنضيف الحليب ونخلط مزيان ، من بعد شوية زعتر كنضيف الدقيق عادي والنخالة ، و 2 خمارات ، وكنضيف دقيق الشوفان ودقيق القمح ، الخليط خاصو يكون بحال ديال كيكة ،

كناخذ المول لي يدخل الفران ندهنه بزيت أو زبدة والدقيق ، وكنصب فيه خليط الكيك ، وكنضيف من فوق مطيشة مقطعة + زيتون ( ملاحظة هنا تقدرو تضيفو لي بغيتو ، طون أو فلفلة بصل ، على حسب شهوتكم)

ودخلوها الفرن طيب

سمحو لي مصورتش المراحل من الأول

قبل ما تدخل للفران