طورطة باردة بالشكلاط

طورطة باردة بالشكلاط

المقادير:

150غرام بسكوي أنا عملت spéculoos
125غرام زبدة
200غرام شكلاط milka زوج باكيات
600غرام فرماج philadelphia طبيعي
300 غرام دانون الى كان د الفاني احسن أنا درت نكهة الفريز
20غرام بودرة الكابوتشينو
400غرام سكر كلاصي
75غرام سكر سنيدة

اول حاجة نطحنو البسكوي و باكية وحدة د الشكلاط

نذوبو الزبدة ونجمعو بها الخليط ونبسطوها في المول لي يكون مفرش بورق الطياب من الاحسن

نخلطو فرماج philadelphia مع دانون وبودرة الكابوتشينو

نحتافضو بالخليط ونمشيو ناخدو 150ميليليتر من الماء مغلي نخلطو بيه السكر سنيدة والسكر كلاصي تايوليو بحال كريمة

ونضيفوها على الخليط الأول نخويوها في المول وندخلوها لfrigo مينيموم 3ساعات 

ومني نخرجوها نزينوها بالشكلاك (الباكية الثانية) نطحنوها ولا نحكوها في الحكاكة 
وهاهيا واجدة