مطبخ هبة يقدم لكم: كريب بالشكلاط واللوز رائع بالصور
مقادير الكريب بالشكلاط واللوز بالصور
نصف لتر حليب+ 2 بيضات+ 3 كيسان دقيق غير الكاس العادي ديال اتاي +1 فاني
شوية الملح+ قشرة حامضة +2 معالق كبار سنيدة
2معالق زبدة دايبة
طريقة الكريب بالشكلاط واللوز بالصور
نخلطو الحليب وسنيدة وقاني والبيض والزبدة وشوية الملح مزيان
وعاد نزيدو دقيق وقشرة الحامض ونخلطو مزيان باش تنسجم المقادير
من بعد نخليه يرتاح نصف ساعة
ونضيف 2 معالق زبدة دايبة ونحركها مزيان هاد 2 معالق من غير اللي دارنا فالاول
ونبداو نطيبو فمقلاة طيفال تكون سخونة ناخد مقدار نصف مغرفة ونبقاو نميلو فالمقلاة باش تاخد الشكل دائرى
ونخليوها احتا تطيب من التحت عاد نقلبوها
وهاهو الكريب بعد ما وجد انا تقريبا تندير ليه نصف طايبة باش ماللي نسخنو ايجي هو هداك
غادي نحتاجو للتزيين الشكلاط واللوز مقلي ومقطع بالقطاعة ديال الربيع باش ايجي باين
هاهو الكريب بالشكلاط واللوز
Enregistrer un commentaire