شنيك جديد بالزبيب وكريم باتسيير بالصور

شنيك شهي  بطريقة مميزة بالكريم باتسيير والزبيب

شنيك بكريم باتسيير والزبيب

مقادير و طريقة تحضير شنيك بالكريم باتسيير والزبيب بالصور

مقادير تحضير عجين الشنيك

350 غرام دقيق

1 خميرة ديال الحلوى

2 معالق ديال خميرة حبوب أو شوية من المعجونة

60 غرام سنيدة

1 vanille

125 ملم ديال لحليب دافي

بيضة

شوية ملح

50 غرام زبدة لينة

شوية زبيب محلول ف ل ما أ سكر أشوية vanille

مقادير تحضير الكريم باتسيير

كاس حليب

بيضة

معلقة كبيرة دقيق

3 معالق سنيدة

vanille

ممكن تزيدو شوية من عصير الحامض + قشور الحامض كيزيدو نسمة زويييينة

طريقة تحضير عجين شنيك

كاتخلطي كل المقادير ماعدى زبدة و زبيب كاتزيديهوم حتى الأخير.

تدلك العجين مزيان 

راه كاتجي العجين خفيف بزاف يعني بلا ماتزيدوها لا دقيق لا والو

كووروها و خلوها ترتاح شوية بي ما وجدته الكريم .

طريقة تحضير كريم باتسيير

في كسرونا كاتخلطي جميع مقادير كريم باتسيير الموجدة بالاعلى و كتحركي مزيان و تشعل العافية و تبقي تحركي حتى يعقاد

صافي طفي عليه و خاليه يبرد

و سيري كملي العجين

طلقيها بالمدلك حتى تحصلي على عجين بسمك 3 ملم .

و دهنيه بالكريم و لويها على بعضها

و غادي تجيبو واحد طرف ديال الخيط

هو باش غادي تقاطعها

كاتجي سهلا أ ماكاتخسرش في المنظر

كتخشيو الخيط تحت العجين و تشوفه لقياس لي بغيتو و تلويوه بحال إلى غادي ديرو شي عقدة و كاتقاتعو 

صافي ستفوها في طاوة مدهونة أو فيها ورق زبدة

و كنبسطهم غي شوية

و خلوها تخمر واحد 40 دقيقة أو ساعة على حساب الجو

و دهنها بالبيض محلول في شوية ديال الحليب

و دخلها الفرن

ملي طيب دهنها بي الناباج او العسل أو confiture و ديرو عليها لوز مقلي و مهرمش

و بصحة و راحة

كايجيو ratbin و مذاق ولا أروع كيف قلت ليكم حتى تجاربهم و حكموا 

بالصحة وراحة