كرتان بنين بلا لحم الطريقة بالصور

كراتان بلا لحم أيضا يعطي مذاق شهي ومتميز

اليكم المقادير

المقرونية اي نوع متوفر عندكم والكمية لي تكفيكم

بصلة مقطعة شنانف كبة كبيرة + 3 فصوص ثوم مشلظين شحروهم مزياااااااااااااان في شوية زيت حتى تطيب البصلة وزيدو عليها شوية مطشية ديال الحك والعطرية ملح سكين جبير شاونية خرقوم شوية ديال ضامة ديال البنة كنور زعفران وربيع واعشاب منسمة وهذا هو سر البنة + فلفة خضرا مقرظة صغيرة اوى خليو كلشي اتشحر مزيان

بالنسبة للخضرة الاخرى انا تنشريها هنا جاهزة ماعرفتش وش كاينة تما في المغرب ولا لا ؟

هي خضرة مخلطة : جلبانة خضراء_ لوبيا الشعرة_ خيزو مقطع صغير بزاف+ ذرة هدشي كله مخلط مع بعضه في كيس بلاستيك الا متوفر تما اشريو والا ما متتوفرش لكم ممكن تستعملو غير الخضر لي عندكم وقطعوهاصغيرة وصافيء ديروه راه تيجي بها بنيييييييييين

مثلا خيزو مقطع صغير بزاف و الجلبانة ...

وزيديهم على الفلفل والبصلة وخليو كلشي اتشحر مزيااان حتى يدخلو الطياب

ملي يطيب هدشي خليو فيه شوية المرقة مشي بزاف خير وحد شوييييييية يعني يكون خاااااااااااثر وولكن مشي ناشف

من بعد سلقو المقرونية مع شوية ضامة ديال البنة وخليوها تستقطر

وجدو صوص البشاميل هذي الطريقة ديالي

2 معالق كبار زبدة + 2 معالق كبار فرينة على نار هادية وحركو بلا ماتتوقفو باش مايحرقش لكم الدقيق حتى تحسو به شوية تلون زيدو الماء الكافي وقوي شوية النار وخليوها تعقاد زيدو معها شوية ضامة ديال البنة كنور ديال الاعشاب وخليوها حتى تعقاد وهي سخونة زيدو معها شوية فروماج محكوك

خدو قالب ديال الفران دهنوه بشوية زبدة

الصلصة البصلة والخضر هي الاولى وطبقة ديال البشاميل وطبقة ديال المقرونية وطبقة اخرى ديال البشاميل وطبقة ديال الخضر وهكذا حتى كملت وخليو طبقة صلصة الخضر هي الاخيرة وفوقها البشاميل حاولو تغطيوها كااااملة بالبيشامل

دخلت للفران سخون من قبل وخليتو وحد ربع ساعة او حتى تشوفت تحمر من الفوق وزوليتو و خليت برد وحد شوية وصافي

هذا قبل ما ندخلو للفران

هذي من بعد ما خرجتو من الفران 

وهذي ملي بدينا تناكلو فيه اوى تفضلو مرحبكم 

راه تيجي بنييييييييييين مانقولكومش عليه اوى لي عجبها الموضوع ماتنسانيش من شي دعيوة زوينة الله افرحكوم