كرعين أول الكوارع البقر بالحمص والروز

مطبخ هبة  اليكم سيداتي طريقة رائعة لعمل الكرعين الشهي

المقادير:

2 كرعين البقر ( مشوطين و مقطعين و مغسولين مزيان ) أنا هدو لي ستعملت شريتهم مصلوقين حيت هنا كيبيعوهم هكا 

زلافة كبيرة حمص ( منقوع في الماء ليلة كاملة )

2 بصلات متوسطة 

الحجم مشنفين

1 زلافة صغيرة روز

1 م ك تومة محكوكة

قليل من السودانية مطحونة

ملح +إبزار +سكنجبير +تحميرة +خرقوم

زعفران شعرة +زيت الزيتون +زيت المائدة

الطريقة:

في كوكوط كنشحرو الكرعين مع البصل و الثوم و الزيت و الملح و العطرية ( العطرية تكون بزايد باش متجيش بسلة ) من بعد تنضيف الحمص و تنمرقو الكوكوط بالماء الكافي و تنسد عليها و نديرو صفارة و نخلوها طيب على عفية متوسطة من كطيب كنقصو 2 زلايف صغار من مرق ديال الهركمة تنغسلو الروز بالماء و كنصفيواه من الماء و كنزيدو عليه المرق لي حتفضنا بيه من قبل ( 1 زلافة ديال الروز + 2 زلايف ديال المرق ) العبار بنفس الزلفة نغطيو الروز و نقسو لعافية ونخليوه يطيب على نار مهيلة حتى ينضج و ينشف من المرق تنقليو الهركمة من المرق حتى تدغمر شوية و تنقدمها مرفوقة بالروز بالصحة و العافية

أترككم مع الصور

كنتمنى تعجبكم و تجربوها

شي دعوة ديال الخير لي ماما إلى عجباتكم