كيكة جميلة جدا بهنريس يعطيها مذاق فريد وهش اليكم أجمل الكيكات
كيكة هانريس تتحمق ألبنات الحادكات سارعوا الى عمل هذه الكيكة المتميزة
لتقديمها الى أعز الضيوف والأحباب وكذلك في المناسبات والأعياد
المقادير موضحة بالتفصيل في الصورة
بالنسبة للتزيين كيبقى اختياري
بالنسبة لي استعملت
الشكلاط اسود
شكلاط ابيض
كركاع
رقائق الشكلاط
اول شئ كنقومو بطحن الهرنيس او ندقوه ونخلوه على جنب
كنضربو البيض فالمولينيكس
كنضيف كاس السكر
كنزيد على الخليط الفاني
ونزيد كاس الزيت
كنزيد كاس الحليب
ونزيد 2 معالق الكاكاو
كنضيف هرنيس لي طحنت مع الخلط المستمر
اخر شئ الخمارات حتى كينساجم الخليط
كنصبو الخليط ديالنا فمول مدهون ومرشوش بالدقيق
وكتبان ليكم الكمية قلييلة ولكن معليش راه كيضاعف الحجم ديالو فالطياب وندخلوه للفران على درجة حرارة 180
هنا فاش خرج من الفران
شفتو تبارك الله السمك قداش ولى
كندوبو الشكلاط اسود وكندهنو الكيك ديالنا من الفوق
عنحتاجو للكركاع باش نزينو
هنا فاش زينتو بالكركاع
كندير خطوط عشوائية بالشكلاط الابيض من الفوق
وكنرش رقائق الشكلاط من الفوق وبهاذا كنكونو سالينا التزيين
هذا شكلها النهائي كنتمنى ينال استحسانكم
هدا طريف لاول رد كنتمنى تجربوها وتردو عليا الاخبار كتجي رائعة وكتجي خفيييييفة وهشيشة
شفتو البلية ديال التصوار ومادير هههه هاهية من جميع الاتجاهات تبارك الله ولينا محترفات فالتصوير ومدمنات اناقة والحمد لله على كل حال ههههه
لا تنسوني من دعواتكم لي في ظهر الغيب احبكم في الله
Enregistrer un commentaire