أنواع صابلي ساهل ومميز

اليكم سيداتي من مطبخ هبة مجموعة أنواع صابلي ساهل واقتصادي ومشكل بطريقة جميلة

صابلي ساهل

المقادير

250غ دقيق

125 غ سكر سنيدة

125 زبدة

ملح

بيضة

قشرة حامضة

قشرة ليمونة

50 غ كاكاو

"الطريقة"

كنخدم البيضة مع سنيدة مزيان وكنزيد الزبدة والطحين وقشرة الحامض والليمون ونقص ثلث العجينة ونزيدوه الكاكاو ونخلوه جانبا ونسرحو العجينة ونقطعها بمرشم دائري وناخد عجينة الكاكاو ونديرها فالجيب الحلواني ونحطها فوق البسكوي على شكل دائرة ونخلي الوسط فارغ وبالنسبة للكاكاو كنديرو لنصف كمية الصابلي 

وندخلو الفرن وملي نخرجو ندير له كونفتير فريز فالفراغ لكاين الوسط ونرش بالسكر كلاصي ونلاقيهم بالكونفتير.

صابلي ساهل

//////////////////////////////////////////////////////////////////

المقادير

250 غ زبدة إديال أو لذة

250 غ سنيدة

كأس زيت

2 بيضات 

1/2 خمارة و 1 فاني

الدقيق حسب الخليط

نجمع كل العناصر و ندخل العجين الثلاجة ترتاح شي 1/2 ساعة ممكن تبات

على فكرة هاد المقادير ديال الأخت monaa100 الله يجازيها كل الخير

طبعا هادا هو الأساس و كنغيرو في النكهات قشرة حامض محكوكة أو برتقال أو نشريو نكهات...

ندوزو للشكل الأول:

نسرحو العجين فوق بلاستيك و نقطع مربعات

النصف نزوقوه بخليط:بيضة+نسكافي+شكلاط غبرة نسرحوه بفرشاة على المربعات و نخطط بفورشيط و هنا أشكر الأخت نجاة تادلة على هاد الطريقة الله يجازيك كل الخير

نلصق كل 2 بالكليكوز

ندهن حتى الجناب بالكليكوز و ندوزوهم في اللوز مهرمش أو كاوكاو

الشكل الثاني:

نطلقو العجين و نقطعو دوائر كبار و صغار و ندخلوهم الفرن

الدوائر الصغار ندهنوهم بالكليكوز و ندوزوهم في كاوكاو أو اللوز على حسب

ثم نلصقو دائرة صغيرة فوق وحدة كبيرة و نحطو قطيرة د الكليكوز و نضع فوقها حبة شكلاط pépite de chocolat 

الشكل الثالث:

نزوقو العجين بهاد الدلاك المشرط إما في اتجاه واحد أو اتجاهين

و نقطع مثلثات

نلصقو كل 2

نغطس الرؤوس في الشكلاط دايب ثم ا لشكلاط محكوك

هادو بالشكلاط الأبيض

هادا الشكل النهائي

ممكن أيضا تقطعو قلوب و تزينوها 

و نزولا عند طلب الأخت ام سلم إليك هاد الصابلي

أختي نفس المقادير و نضيف بودرة الكاكاو ثم نقطع دوائر تدخل الفرن 

نلصقو من بعد كل 2 و ندهن النصف الأعلى بالكليكوز و نفند في اللوز مهرمش ثم نعمل خطوط بالشكلاط الأبيض

و هادا هو أوريو ديالنا ههههههه

هاد الشي اللي كاين جربوهم وكما قلت لكم هادا صابلي ساهل ديال ديما

عيدكم مبارك سعيد تعيدو و تعاودو باش كتمناو إن شاء الله و دعيوا مع أختي أنا و ياها صاوبنا هاد الخير دعيوا معاها يسهل عليها الله و يكمل عليها بالخير إذا كان واحد الموضوع فيه خير

شكرا لزيارتكن