اليكم سيداتي من مطبخ هبة
طريقة جديدة لعمل مسمن مقلي يشبه الشباكية لكن مذاق مغاير
في قصرية نعملوا كيلوا فورص ملعقة ماء الزهر2 بيضات شوية خميرة الخبز خمارة حمراء ملعقة كبيرة خل شوية ملح فاني 2 معالق سنيدة نجمعوها بماء دافئ شوية وندلكوها بحال المسمن ونعملوها كويرات صغار
وكل كويرة نسرحوها رقيقة بزاف من الافضل ونقطعوها بالموس كما في الصورة وكل ما كثرت الشروط كيكون الشكل زوين
ثم ننخالفوا هد الشروط يعني نهزوا وحدو ونخليو وحدة ونرميوها مباشرة في الزيت سخونة في هد الاناء كما في الصورة
ملاحظة انا كنستعمل سفود لكنعملوا فية القطبان باش نحرك ونقلبها ومن نرمي العجينة في الزيت مباشرة و بسرعة كنوضع السفود وسط العجينة ونحرك بشكل دائري وبسرعة باش يعطيني الشكل وردة تقريبا
ومن طيب من الجيهتين نرمي عليها العسل معلقة من العسل لكل مسمنة وجلجلان للتزين
هدا شكله النهائي
تقريبا عملت 45 حبة الخير والبركة ههههههههه
بالصحة والراحة
Enregistrer un commentaire