طورطة باللوز والفواكه الجافة لذيذة

طورطة جديدة وغزالة

السلام عليكم 

من موقع مبدعات

هادي واحد طارت كتجي غزااااااااالة بكريمة اللوز و الفواكه الجافة الاغلبية 

كنصاوبها 

فالمناسبات أو ايلا جاو الضياف

نتمنى تنال اعجابكم و تجربوها و اكيد مغديش تندمو عليها و على بركة الله.

المقادير

250غ القيق

125 زبدة

100 غ سنيدة

1 فاني

1 بيضة

قريصة الملح

نخدمو الزبدة و السنيدة حتا تولي على شكل بوماد

نضيف الفاني و البيضة

ثم الدقيق و الملح نجمعوها و ندخلوها للثلاجة على الاقل نصف ساعة

الحشوة

150غ زبدة بحرارة المطبخ

150غ غبرة اللوز

100غ سنيدة

3 بيضات

30 غ نشا

1/2 معلقة صغيرة القرفة

معلقة كبيرة العسل

زلافة صغيرة من الفواكه الجافة مقطعة قطع صغيرة (برقوق+مشماش+زبيب) مرقدة 

من قبل فماء الزهر

كونفتير مشماش أو الليمون

للتزيين: اللوز ايفيلي+سكر صقيل.

بالطراب الكهربائي كنخلطو الزبدة و السنيدة مزيان

ثم كنضيف اللوز

ثم البيض وحدة بوحدة و في الاخير النشا

ندوزو الفواكه الجافة نزيدو عليها القرفة و العسل و نشحروها حتا تنشف ونخليوها 

تبرد

نطلق العجين و نلفوه على الدلاك و نسرحوه فوق قالب ديال لاطارت مدهون بالزبدة و 

مرشوش بالدقيق

ونتقبوها مزيان

ندهنو الوسط بالكونفتير و و نزيدو الفواكه الجافة

نسرحو كريمة اللوز

ثم اللوز ايفيلي و نضغطو شوية باش يلصق و ندخلوها طيب و تحمر

منين طيب نخليوها تبرد نقلبوها فشي طبسيل و نرشو عليها السكر صقيل

بالصحة و الراحة و بشي دعيوة ديال الخير